الشـــــــــــــــــــــاب السوري

الشب السوري :
بيحمل باكيت الدخان والموبايل ومفاتيح السيارة (أو البيت إزا
مافي سيارة) والقداحة

والبوكت مونيه كللللللون بإيد... والسيجارة
بالإيد التانية
كيف بيساعو ما حدا يسأل

لما بيسوق بيرجّع المقعد لورا
عل أخير وبينجعص وبيطبّق البنات والشباك نص فتحة

لما بيسوق بيطلع إيدو
من الشباك وطبعاً السيجارة موجودة على طول

بيلبس بوط مبوّز من
إدّام

وين ما قعد دغري بينجعص

البوكت مونّي على طول
(مطنبر) بالجيبة الورانية

لما يحكي مع بنت على التلفون بيبلش
يناديلها: إيه حبيبي من أول تلفون

ولا تقولو لااااااااااء... كلكون
بتعملوها

لما بيجي عل إمارات ما بيشتري إلا مارسيدس أو بي إم وبيضل
يقسّط حقها شي 10 سنين

يعني معو عقدة البي إم
والمارسيدس

الشب السوري بمراهقته ولوقت ما بيخلص دراسة ما
بيخلي بنت من شره وبس بده يتجوز

بيدور ع وحدة عمرها 16
سنة!

الشب السوري أول ما بيحكي مع البنت بيصير بدو يلبّسها على
كيفو ويمشيها على كيفو

وبيصير بدو ياها تاخد إذنو أبل ما تروح لأي
مكان...

الشب السوري بيخبّص ليشبع مع كل بنات الحارة وبس يتجوز بيروح
لعند إمو تنقيلو

عروس مو بايس تمها غير إمها منشان يربيها على
كيفو

الشب السوري بيفكر حالو أفهم واحد بالعالم وما بتفوتو
الفايتة

الشب السوري يا حبيباتي...لما يشوف بنت لبنانية بتشط ريالتو
وبيسكّر مخو وما عاد بيطسّ

إدّامو وبيبطّل يجمّع

الشب
السوري يا حبيباتي لما بيكون قاعد بشي كافيه وبنت بتمرء من جنبو بيضل يشئلها
من

فووووووووووء لتحت لحتى توصّل على بيتها

وطبعاّ وهو
منجعص والأركيلة بإيد والموبايل بلإيد التانية

لا حدا يقلي غلط هالحكي
كلو موثق
لا تزعلو مني يا جماعة الصراحة حلوووووووووووة
سلااااااااااااااام

شوووووووووووووووو
ليكون مو عاجبك الشب السوري يعني؟؟
لك الشب السوري شو ما عمل حلو و بيلبقلو؟؟؟
و المواصفات يلي حكيت عنها بتنطبق ع الكل تقريبا مو بس السوري؟
ومشكور

حبيبنا حاسسك عم تحكي عني ورفقاتي
خهههههههههههههههن

كلو هيك

يا معلم حكيك كلو غلط كذب لانو ما في شب ببلدك الا ما ندر عندو موبايل وبيت وسيارة
طبعا كلشي حكيتو شغلات كويسة ومش عيب ويلي معو لا يقصر
منعرف بعض حبيب القلب

لا هيك عم تروح الصالح مع الطالح
في كتير شباب اوادم وما بيعملو هل القصص يلي عم تحكي عنا
صح حكيي مو هيك Wink

بس عنجد معك حئ علي نص شباب هالايام وكمان مو نصهم تلت رباعهم هيك
ومو شغلن غير الاكل الهوا والتلطيش ع البنات و الموبايلات و
مو همو غير يصاحب هيدي ويترك هيدي والله شي بيجنن

قريبا

ترقبو

البنت السورية

؟

لا لا البنات مارح يكونوا لهالدرجة ولوووووووو

طيب يا ستي

رح تشوفي

؟

انشالله لا

مرحبا انا رح قلكم كيف بيحكي وبيفكر الشب السوري (طبعا مو الكل)

لغة الشباب السوريين:

حبيبتي لا تهكلي همي طلعي مع رفقاتك اليوم

(ما صرلنا يومين مرافقين بكرة بتشوفي)

أنا ما دخلني عملي اللي بدك اياه

(استرجي تعملي غير اللي قلتلك عليه)

مالي علاقة روحي لوين ما بدك

(استرجي تطلعي من باب البيت)

تأكدت طلعتك المسا مع رفقاتك؟

(لكان لاخترع طلعة معي من تحت أضافيري و افقسلك طلعتك)

أكتر شي حبيتو فيكي طيبة قلبك

شو هالجسم الخزيء

كأنو رفيقتك سبور كتير؟!!!!

(كلا اسبوع و بمنعك تحكي معا)

حبيبتي كانو موبايلك برن كتير

(غيري رقمك قبل ما انا غيرلك ياه)

ورجيني شو نوع موبايلك هاد النوكيا الجديد؟؟

(حفليلك اللوغ رقم رقم واسم اسم)

حلو لون شعرك الجديد بس الطبيعي أحلى

(الله يكسر ايديكي على هالصبغة طالعة متل الرقاصة)

أنا متقبل انو الك علاقات سابقة هاد حقك الطبيعي

(مستحيل فكر فيكي بشكل جدي ورح ضل هتك بماضيكي)

ما بعرف ليش انا مشلوش من طلعتك اليوم الصبح ما عم تفوت بمخي

(بدي اتمشكل و اخترع خناقة و انزعلك مساكي)

كانو مو أول مرة بتجي على هالمحل؟!!!!

(يخرب بيتك شو كاينة دايرة على حل شعرك قبل ما أعرفك)

كانو هالكنزة صغيرة عليكي

(بكسر ايديكي ازا بشوفك لابستيا مرة تانية)

ورجيني كأنو بنطلونك جديد

(يا ويلك ازا بتكوني نازلة عالسوق ومو قايلتيلي)

شفتي الشب اللي مر بالسيارة السودة هاد رفيقي اللي حكيتلك عنو

(لامر ولا شي بدي اتاكد ازا كنتي عم تبصبصي عالشباب بالسيارات)

كربوج رفيقي ما؟؟

(بدي شيل عيونك ازا قلتي اي)

قال رفقاتي شايفينك من كم يوم بالشعلان

(رفقاتي ما بيعرفو كيف شكلك بس بدي زلقك)

الشب ما بعيبو جمالو

(بعرف حالي متل القرد بس استرجي هتيني)

نحنا مجتمع شرقي الشب غير البنت

(أنا بعمل اللي بدي اياه وانتي بتسمعي كلمتي و بتنضبي بالبيت)

انتي ليش حاطة حواجز بيناتنا شو لسة ما وثقتي فيني؟

(تلحلحي نشفتيلي قلبي يا حـيـط)

خلينا نطلع نتمشى طائة روحي من المطاعم

(الدنيي آخر شهر و مفلس ما معي اخدك تتزهرمي)

ييييييي نسيت جزداني بالسيارة

(استحي على دمك حاجتي اصرف عليكي)

متخانق مع اهلي مشانك وعم نام عند رفيقي

(حطي ببالك من اليوم ورايح بدك تصرفي عليي)

أنا ما بؤمن بالفلنتاين كل يوم عندي هو عيد حب معك

(يعني ازا بدك تجيبيلي هدية جيبيلي بس لا تحلمي انا جبلك)

رفيقتي القديمة كانت حتنتحر بس قلعتا

(قلعتني و مسحت بكرامتي الارض ومتت لارجعلا)

إمي حستك قوية

(امي ما طاقتك و عم تدورلي على عروس وانا ما بتنيلا كلمة)

حبيبتي ليش كل ما بحاكيكي بتندهلك امك؟

(يقطع عمرا إمك شو قوية و شاضومة و قارحة)

انا اللي بدي اخدا بدا تكون قنوعة و عينا شبعانة

(أنا شحاد و ما معي آكل)

حبيبتي حاكيني بسرعة خلص شحن موبايلي

(طالع مع ضرب جديدة عم زبطا وحاقفل موبايلي)

انا حاسس انك متغيرة و ماعم تحسي فيني متل قبل

(أنا عم خونك وعم اتحجج لنترك)

نحنا التنين متوترين خلينا نبعد عن بعض فترة نفكر فيا منيح

(أنا مليت منك وما بدي اتركك قبل ما دور على وحدة جديدة)

ديري بالك على حالك وتاكدي اني عنجد حبيتك و مستحيل انساكي وبتمنالك كل خير

(عم طيب خاطرك بعد ما هنتك و خنتك و قلعتك)

بريبي يا نانا انتي بتفهمي

ههههههههههههههههههههههه حلو نانا

حبيبتي حاكيني بسرعة خلص شحن موبايلي

(طالع مع ضرب جديدة عم زبطا وحاقفل موبايلي)

انا حاسس انك متغيرة و ماعم تحسي فيني متل قبل

(أنا عم خونك وعم اتحجج لنترك)

نحنا التنين متوترين خلينا نبعد عن بعض فترة نفكر فيا منيح

(أنا مليت منك وما بدي اتركك قبل ما دور على وحدة جديدة)

ديري بالك على حالك وتاكدي اني عنجد حبيتك و مستحيل انساكي وبتمنالك كل خير

هاااااااااااااااااااااااااي

هاااااااااااااي ساندي