فيروزيات

هيدا الموضوع رح ضيف عليه كل مرة غنية لفيروز من اغانية النادرة والقليل ما نسمعا
ويلي بيحب يشاركني فيه يضيف اي غنية لفيروز فانا رح كون مبسوطة بمشاركتون
******************************************************************************
الاغنية رقو (1)
الله معك يا هوانا


الله معك .. يا هوانا
يا مفارقنا

حكم الهوى .. يا هوانا
واتفارقنا

و يا أهل السهر .. يللي نطرونا
بكرا إذا انذكروا العشاق .. ضلوا تذكرونا

يا حزن السعيد انتهينا
و تودعنا
ما بنسى شو بكينا .. وصلينا
تاتضلك معنا
و يا أهل الهوى يللي نطرونا
بكرا إذا انذكروا العشاق .. ضلوا اتذكرونا

نبقى سوى و صوتك بالليل
يقلّي و أنا عم إسمع

بحبك حتى نجوم الليل
نجمة .. و نجمة توقع

و خلص الحب
و سكتت الكلمة

و تسكّر القلب
ما وقع و لا نجمة

ما تاري الكلام .. بيضلو كلام
و كل شي بيخلص .. حتى الأحلام
والإيام بتمحي إيام

الاغنية رقم2)
يا راعي القصب


يا راعي القصب مبحوح
جايي عبالي شروقي

قللو للقصب ما يبوح
بالسر اللي بعروقي

و إن ضعنا سوى بهالليل
خلي صوتك مسموعي

***
يا رايح صوب مشرق
شرق ما بو ربيعي

راحوا يرعوا غنمهن
و العشب فوق ضلوعي

و إيام الغابن ولفي
لعدن عا صابيعي


و عتم علينا يا ليل
و ضيعي يا حلوة ضيعي

قالولي إني عشقان
و اني مش داري بحالي

بين الصاحي و الغفيان
لمحت خيالك قبالي

كان الصبح شنو بان
و ادان الصبح عالي

و نازل من صوبن مرسال
و من عيني نزلوا دموعي

الأغنية رقم ( 3 )
دقت على صدري


دقــت على صــدري و قالتـــلي افتـــحو
تاشــــوف قلبي ان كان بعدو مطــرحــو

و ان صــح ظنـي و شفتــلو عندك رفاق
بســـترجعو و ما بعود خليك تلـــــــمحو

و ان صـح ظــني و شــــفتلو عندك رفاق
بســتـرجعو و بنســـى ليالينا العتــــــــــاق

قلـــبي ان هجــرتك يدبحــــو مرة الفراق
و ان ضــل عنــدك كل يــوم بتــــــدبحـو

الأغنية رقم ( 4 )
بكوخنا يا ابني
للشاعر ميشال طراد من عام 1956 م.

بكوخنا يا ابني بهالكوخ الفقيـر
والتلج ما خلاّ ولا عـودة حطـب

والريح عم يصفر فوق منو صفير
وتخزّق بهالليل منجيـرة قصـب

***

وقفوا عا شباكك يدقّو العصافير-- بجوانِِحُن ... يا جوانحن ل متشرنة
جايين يتلطّوا ع كتر الزمهرير-- ورفيقك البلبل ... شو مشتقلك كتير

---- مخبيلك بعبّو شي مية سوسنة ----
يا ابني

***

علوّاه لو فيــــــــــــي يا عينيي لطير
اتفقدك يا رجوتـــــــــــي بعدك زغير

وعمرك وعمر العطر ما كفّوا السنه
وشو الدني - يا ابني وشو طعم الدني

---- ان ما هبجّتْ وجّي بإيدَيْكْ الحرير----

***

شو الجرس قال حامل بشارة العيد
شو ألف عيد وألف قنينة نبيد

صوتك يتدحرج بقلبي وعم يضيع
نازل عن التلة بهالوادي البعيد
حامل بإيد الصبح وبإيد الربيع

***

ومن يوم هالغيبة والله يسامحك
عم فرفط بها الفلّ عم قطف ريحان

عم بستعير من السما أجمل لوان
وخرطّش ع هالحيطان لنو ملامحك

***

وهالقلب عم حفّو على اجرَيْن السرير
عم مرمغو
بيلعبك
بمطارحك
بفراشك
بريحة ريشات جوانحك
بيغبرة حوافر حصانك هالزغير

يا ابني
بفراشك
بريحة ريشات جوانحك
بيغبرة حوافر حصانك هالزغير

الاغنية رقم(5)
ما أحلى الرجعة بكير


ما أحلى الرجعة بكير
والدنيي رفوف عصافير

هالدرب اللي منعرفها
شو إلناعليها مشاوير

هلآ عا الضيعة منطلّ
ومنشوف سطوحا القرميد

والدوري يكرج ويغلّ
معشش عا الشباك جديد

ويا نسيم سطور وهلّ
بيت الحلوة منّو بعيد

سهرة عندا وما منفلّ
تا ترف الليلة وتطير


ياريت نحنا سهرانين
وعتم وتلج يغطي حقول

وأنا وإنتي منسيين
وخبيكي بقلبي عا طول

ويدقو يدقو الحلوين
عا قلبي وقلن مشغول

روحو ونحنا تعبانين
حبينا وبْعِدْنَا كتير

ما أحلى الرجعة بكير
والدنيي رفوف عصافير

وهالدرب اللي منعرفها
شو إلنا عليها مشاوير

الأغنية رقم ( 6 )

أنا وسهرانة

أنا وسهرانة وحدي بالبيت
على السكيت ومتل الضجراني

مشية قريبة طقت ع الدرب
قلت ياقلب جايي حبيبي

قمت وضويت زحت البرداية
تا يشوفا الجايي وشعشعت البيت

رتبت المزهرية هييت قلوب السكر
حطيت الشال عليي ولبست العقد الأحمر

وانطرت الباب تا الباب يدق
والقلب يدق وما دق الباب

والمشية بعدت بعدت بالليل
محاها الليل بعدت وبعدت

أنا سهرانة وطفيت الضو
وطلع الضو وأنا وسهرانة

الأغنية رقم ( 7 )

سمعنا سمعنا شو سمعنا


سمعنا سمعنا شو سمعنا
سمعنا حكي مافي إلو معنى

اسمعنا بإنو عهدِنا تغير
ماعاد رح يحكي الحلو معنا

قصة زعل عم تنحكى وتنقال
ويتغامزو عا حكيها العزّال

ماعاد بدو يزورنا وشوقال
قال الهوى ماعاد يجمعنا

شو يا حلو زعلان منّا كيف
ومنعرفو قلبك وفي ونضيف

ومادام مافي بيننا تكليف
عا القليلة مروق ودّعنا

***
صرنا غرب نحنا اللي كنّا قراب
وأحباب مافي متلِنا أحباب

لعيونك قطفنا زهور الغاب
وبوابنا للحب شرّعنا

بكرا بترضى والهنا بيتم
وبترجع تقطّفْ ورد وتشم

لولا زعلِتْ ورجعت شو بيهم
نحنا زعلنا كتير ورجعنا

الأغنية رقم ( 8 )

تخمين + يا كرم العلالي


قصيدة ( تخمين ) ... غنتها معشوقتي فيروز ...
ونظمها الشاعر الكبير المرحوم ميشال طراد قال فيها :


تخمين راحت حلوة الحلوين
وما ضل في غير الحبق
تخمين هالقلب انطبق
وماعاد يرجعلي بعد تخمين

***

وغاب القمر من فوق بيتون غاب
وما عاد رح بيطلّ
واسود لون الفلّ
والزنبقة البيضا ال حد الباب

***
بآخر هك البستان في ممرق
بيجيب عا بالي البكي
مطرح ما كانت ترتكي
مفرخ على شفافو العشب أزرق

***
وطالع عريشة
معششة فيها الطيور
مطرح ما هرت دمعتا
وبعدون بيحكو حكايتا
هونيك كم بنفسجة خلف الصخور

***
يا كرم العلالي عنقودك لنا
ويا حلو يا غالي شو بحبك أنا

عا النهر التقينا وما قلنا لحدا
وتركنا عينينا تحكي عا الهدا
سمّعنِي حكي وقلي شو بكي
وطلعلي البكي يا دلي من كتر الهنا

عا الدرب الطويلة مشاني الهوى
بإيدو وميلي تا نمشي سوا
صرت بلا وعي وشي يقلّي تعي
وشي يقلي رجعي والدنيّ عرفت شو بنا

واعدني حبيبي لِمْ بدّو يجي
باسوارة غريبة وعقد بنفسجي
واعدني بقمر وبشوية صور
وباعتلي خبر بيقلي الموسم عا الجنا

الأغنية رقم ( 9 )

صرلو زمان الحلو ما بان


صرلو زمان الحلو ما بان
صرلو زمان
يمكن حدا زعلو وعتبان
صرلو زمان

باعت رسول الحلو
بيقول مع هالرسول
إنو الهوى بدّلو عا طول
ناسي عا طول

مين خلاّك تتدلل علينا
مين نسّاك دمعات عينينا
هيك الأمل يا حلو
عتبان ناسي الحنان
ريت الجفا يا حلو
ما كان ريتو ما كان

الأغنية رقم ( 10 )
جلنار



يا صبح روّج طوّلت ليلـى
خلّـيـت قلـبـي نــار

بلكي بتجي أختك تغنيلـك
بلكـي بتـجـي جلـنـار

صرخات عم بتموج بالوادي
معنـزق عليهـا ضبـاب

لبعيد عم بتـروح وتنـادي
بيظهـر حبيبـو غــاب

****

راعي بكي ومنجيرتو متلـو
بكـيـت تــا يتـسـلّـى

شو قولكن عا السكت قالتلو
شــو قـولـكـن قـــلاّ

خليك حدّي تا يـروق الجـو
ورنـــدح وسـمـعـنـي

ولمن بيطلعلك يا راعي الضو
تـبـقــا تـودعـنــي

****
وقفت قلبي عا الـدرب ناطـور
تــا فــاق ألــف نـهـار

ووعيت الشمس وزقزق العصفور
ومـــا إجـــت جـلـنـار

الأغنية رقم ( 11)
يا راعي القصب


يا رايح صوب مشرق
شرق ما بو ربيعي
راحوا يرعوا غنمهن
و العشب فوق ضلوعي
و إيام الغابن ولفي
لعدن عا صابيعي
و عتم علينا يا ليل
و ضيعي يا حلوة ضيعي
قالولي إني عشقان
و اني مش داري بحالي
بين الصاحي و الغفيان
لمحت خيالك قبالي
يا راعي القصب

الأغنية رقم (12 )
عتاب
أول أغنية لفيروز كمحترفة للغناء، وسجلت في إذاعة دمشق عام 1952 .



حاجي تعاتبني يئست من العتاب
و من كتر ما حملتني هالجسم داب

حاجي تعاتبني وإذا بدك تروح
روح و أنا قلبي تعود عالعذاب

علّمت قلبي من الطفوله عا هواك
و ما تطلّعت هالعين إلا عا حماك

ألله بيشهد ما ضحكت مرة لسواك
و ليش بتضلّك تفتحلي بواب

عايشه بعيده عن ليالي الصفا
عيشة جفا و بحكي مع الناس بجفا

يا هل ترى مش هيك بيكون الوفا
و كيف بيكون الوفا اعطيني جواب ؟

ان كان غيرة هالجدال وهالشكوك
أضنيتني يكفي بقا يرحم أبوك

وان كان غيري حباب عم يعلموك
الله يباركلك يا ولفي بهالحباب

كلّ ما عم زيد في حبك ولوع
كلّ ما بتزيد في عيني الدموع

ويا ريت عن حبك المضني لي رجوع
رح تهرب الأيام ويمرّ الشباب

وَينْ بتلاقي متل قلبي قلوب
شو صار صافيلك وغافرلك ذنوب

و قديش عن حبك قلت بكرا بتوب
ما تبت يا ولفي ولا هالقلب تاب

الأغنية رقم (13)
إنت وأنا - يا حنينا - موال في لنا - قالولي كن
غنتهم فيروز عام 1960 على مسرح معرض دمشق الدولي .

إنت و أنا عم يسألونا كيف ؟
منضل شو بيحلالنا نغني

ما بيلتقى مرات عنا رغيف
و منعيش بأطيب من الجنة

عم تمرقي ع حفة الشباك
هالتاركو صبح و مسا مفتوح

و لو، ما عاد تسألي شو باك ؟
و لا عاد ياخدنا القمر و يروح

***

يا حنينة يا حنينة يا حنينة
أهل الهوى بليل الغزل شهدو لنا

بحياة عينك لا بقى تزيد الحكي
ولا تروح عنّي للعوازل تشتكي

ما سألتني بهالعمر مرة شو بكي
كيف شكلي بدّك يا حلو إسأل أنا ؟

***

في لنا يا حب خيمة ع الجبل
ناطرة تانزورها , بليلة غزل

راكعة الغيمات عند حدودها
و تاركي النجمات عاسطحها قبل

في لنا يا حب خيمة في لنا
ومزهرية ,و ورد أبيض عندنا

وحدنا بهالجرد ع حدود السما
نحنا و إنت و باقة غناني هنا

***
قالولي كن و أنا رايح جن
حبابي يمه يا يمه
نار بروس الجبالِ

حبابي يمه تركوني
و راحوا بعيد و نسيوني

و بعدو حبن على بالي
نار بروس الجبالِ

لاقصد جبال بعيدة
أوقف لوّح بإيدي

و شوف خيامن عالعالي
نار بروس الجبالِ

الأغنية رقم ( 14)
مين دلّكْ بالهوى عا بيتنا؟


مين دلّك بالهوى عا بيتنا ؟
مرّ النوى بكاس العذاب سقيتنا

وما ربحنا بعشرتك غير الألم
حبيتنا ويا ريت ما حبيتنا

***
بس مين دلّك ْبالهوى عا بيتنا ؟

***

فرشنا طريقك ورد يضحك للدلال
وقلنا جمالك ما انشغل متلو جمال

وعملتنا زهرة غرامك و الخيال
ورميتنا من بعد ما شميتنا


الله شو حملتنا قهر وضنى
ان كان الغنى بالوهم هالقلب اغتنى

ما عاد مرق عا بالنا طيف الهنا
من ليلة بضو القمر حاكيتنا

***
بس مين دلّك بالهوى عا بيتنا ؟

***

علينا ان كنت عتبان لا تخفي العتب
من هالعدواة ما بيجي غير التعب

دلّيتنا عا درب حبك شو السبب
ضيعتنا من بعد ما دلّيتنا

***
بس مين دلك بالهوى عا بيتنا ؟

***
ليش تقهر قلب بيرفرف معك
شو ولّعك ؟ بيغيرنا شو ولّعك

لوّعتنا بكرا الهوى بيلوّعك
بتعود تندم قد ما عاديتنا

***
بس مين دلّك بالهوى عا بيتنا ؟

الاغنية رقم(15)
ورقو الأصفر شهر أيلول
... تحت الشبابيك
ذكرني و ورقو دهب مشغول ... ذكرني فيك

رجع أيلول وإنتا بعيد
بغيمه حزينه قمرها وحيد

بيصير يبكيني شتي أيلول
ويفيقني عليك يا حبيبي
ليالي شتي أيلول ... بتشبه عينيك

يا ريت الريح إذا إنتا نسيت
حبيبي أول الخريف وما جيت

ينساها الحور وقمرها يغيب
وليلا يطـول ونبقـى
حبيبي غريبه وغريب
أنا وأيلول

المحبـــــة
مزيج فريد بين عبقرية جبران ... ونقاء فيروز






من كتاب النبي لجبران
قصيده المحبة والتي تم غناؤها في مسرحية:
" ناس من ورق عام 1973 "
غنتها السيدة: فيروز
ولحنها: الأخوين الرحباني



وظلّ المصطفى، المختارُ الحبيب
الذي كان فجراً لذاته...
ينتظرُ سفينتهُ ...في مدينة اورفليس
وفي السنة الثانية عشر، في السابع من شهر الحصاد
صعِد الى إحدى التلال ونظر صوب البحر، ورأى سفينته غافيةً
فصلّى في سكون نفسه، وقال في قلبه :
"كيف أمضي عن هذه المدينة ....
وأعبر البحر من غير كآبة ؟"
وعندما دخل المدينة ...
استقبله الشعب ، كانوا يهتفون :
"لا تفارقنا، لا تفارقنا، فالمحبة لا تعرف عمقها...إلا ساعة الفراق"
حينئذٍ قالت المِطرة ،قالت المطرة حدّثنا عن المحبة، فقال:
"إذا المحبة أومت إليكم، فاتبعوها...
إذا ضمّتكم بجناحيها، فأطيعوها...
إذا المحبة خاطبتكم، فصدّقوها...

المحبة... تضمكم إلى قلبها كأغمار حِنطة...
المحبة... على بيادرها تدرسكم لتُظهر عُريكم
المحبة ...تطحنكم فتجعلكم كالثلج أنقياء

المحبة... لا تُعطي إلا ذاتها
المحبة ...لا تأخذُ إلا من ذاتها
المحبة... لا تُعطي إلا ذاتها
المحبة... لا تأخذُ إلا من ذاتها
لا تُعطي إلا ذاتها، لا تأخذ إلا من ذاتها
لا تملكُ المحبةُ شيئاً، ولا تريد أن أحدٌ يملكها
" لأن المحبة مكتفية بالمحبة، بالمحبة..."

وقالت المِطرة ثانيةً، حدّثنا عن الزواج، فقال:
" وُلدتما معاً، وتظّلان معاًً حتى في سُكون تذكارات الله
ومعاً حين تُبددكما، أجنحةُ الموت البيضاء...
كونا فرحين، غنّيا فرحين... إنما اتركا بينكما بعض فسحات
لترقص فيها، رياحُ السماوات ..."

ثم قالت له امرأةٌ، حدّثنا عن الأولاد فقال:
" أولادكم ليسوا لكم، أولادكم ابناء الحياة،
والحياةُ لا تُقيم في منازل الأمس "

وكان المساء...
وكان المساء....فصعِد إلى السفينة
وقال وداعاً يا أبناء أورفليس...
الريح تأمرني أن أفارقكم، وسوف أعود ثانيةً إليكم...
الريح الريح تأمرني الريح بأن أفارقكم تأمرني الريح
الريح الريح تأمرني الريح وسوف أعود ثانيةً إليكم...
وعندما أشار...
ورفع البحارّة المرساة...
وصوب الشرق أبحرت السفينة ...

شو ما حدا بحب فيروزهل المنتدى